Dweud eich dweud ar gynlluniau i adnewyddu pob Gorchymyn Diogelu Mannau Agored Cyhoeddus o ran yfed alcohol mewn mannau cyhoeddus ac ymddygiad gwrthgymdeithasol.

Mae gan Gyngor Bwrdeistref Sirol Caerffili nifer o bwerau yn barod o ran ymddygiad gwrthgymdeithasol ac yfed alcohol mewn mannau cyhoeddus yn y Fwrdeistref Sirol. Mae'r Gorchymyn Diogelu Mannau Agored Cyhoeddus wedi caniatáu i'r Cyngor gyflwyno amrywiaeth o gyfyngiadau sydd wedi helpu rheoli ymddygiad gwrthgymdeithasol yn ein cymunedau.

Mae'r Cyngor yn cynnig parhau i ddefnyddio'r pwerau hyn drwy adnewyddu'r Gorchmynion Diogelu Mannau Agored Cyhoeddus presennol am dair blynedd arall.

Mae esboniad o'r newidiadau hyn yn y tri chynnig isod.

Cyn llenwi'r holiadur hwn, darllenwch yr wybodaeth gefndir.

Pam rydyn ni'n ymgynghori?

1. Adnewyddu'r Gorchmynion Diogelu Mannau Agored Cyhoeddus presennol o ran ymddygiad gwrthgymdeithasol mewn gorsafoedd bysiau, mewn cysgodfannau bysiau, wrth safleoedd bysiau, ac ar y bont i deithwyr ac yn yr orsaf drenau yng Nghaerffili am y tair blynedd nesaf.
2. Adnewyddu'r Gorchmynion Diogelu Mannau Agored Cyhoeddus presennol am dair blynedd arall i reoli yfed alcohol mewn man cyhoeddus.
3. Adnewyddu'r Gorchymyn Diogelu Mannau Agored Cyhoeddus sy'n cynnwys cyfyngiadau o ran ymddygiad gwrthgymdeithasol yn ogystal â rheoli yfed alcohol mewn man cyhoeddus am y tair blynedd nesaf.

Ffyrdd o fynegi eich barn

Cwblhewch yr arolwg ar-lein yma neu cysylltwch â ni am fformatau eraill.

This survey is available in English. It is available in other languages and formats on request. Mae'r arolwg hwn ar gael yn Saesneg. Mae ar gael mewn ieithoedd a fformatau eraill ar gais.

Canlyniadau disgwyliedig

Bydd y canlyniadau a'r argymhellion yn cael eu hadrodd yng nghyfarfod y Cabinet ym mis Rhagfyr.

Bydd pob Gorchymyn Diogelu Mannau Agored Cyhoeddus ar gyfer Ymddygiad Gwrthgymdeithasol ac alcohol ledled y Fwrdeistref Sirol yn cael ei adnewyddu am 3 blynedd arall.