Trosolwg

Rydyn ni’n ceisio eich barn ar Gynllun Rheoli Llifogydd Naturiol arfaethedig yn Nant Hafod Tudor, Wattsville. Mae'r dyluniad yn cynnwys cael gwared ar strwythur cwlfert (pibell) presennol ac agor y cwrs dŵr i wella gwydnwch rhag llifogydd yn yr ardal ac adfer y cwrs dŵr i gyflwr mwy naturiol. Fel rhan o'r gwaith hwn, bydd llwybr troed heb ei gofrestru sy’n darparu mynediad i fan gwyrdd ar hyn o bryd yn cau yn barhaol. Er mwyn cynnal mynediad, rydyn ni’n cynnig uwchraddio llwybr troed amgen heb ei gofrestru o Bafiliwn Maes Chwaraeon Grŵp Cymunedol Wattsville i'r un man gwyrdd. Er bod gan y llwybr presennol risiau nid oes unrhyw risiau ar y llwybr amgen ac felly mae'n darparu gwell hygyrchedd i bob defnyddiwr.

Pam rydyn ni'n ymgynghori

Rydyn ni am sicrhau bod trigolion lleol a rhanddeiliaid yn cael y cyfle i wneud sylwadau ar y newidiadau arfaethedig. Bydd eich adborth yn ein helpu ni i ddeall unrhyw bryderon a sicrhau bod y dyluniad terfynol yn bodloni anghenion y gymuned wrth ddarparu mesurau lliniaru llifogydd effeithiol.

Ffyrdd o fynegi eich barn

Gallwch chi rannu eich barn trwy lenwi'r arolwg ar-lein trwy'r ddolen isod neu gysylltu â ni'n uniongyrchol gan ddefnyddio’r manylion wedi’u darparu isod.

Dolen yr Arolwg: https://forms.cloud.microsoft/e/yzYwNeTQJa

Mae'r arolwg hwn ar gael yn Gymraeg a Saesneg. Mae ar gael mewn ieithoedd a fformatau eraill ar gais.

Canlyniadau disgwyliedig

Byddwn ni’n adolygu'r holl adborth sy’n dod i law ac yn ei ddefnyddio i lywio'r dyluniad terfynol. Bydd crynodeb o ganfyddiadau’r ymgynghoriad a’r camau nesaf yn cael eu cyhoeddi ar wefan Trafodaeth Caerffili yma.