Pryderon am lifogydd yn Rhisga: Ymgynghoriad cymunedol

Trosolwg

Yn unol â'r Cynllun Gweithredu sydd wedi’i nodi yn Strategaeth Leol ar gyfer Rheoli Perygl Llifogydd (SLRhPLl) Cyngor Bwrdeistref Sirol Caerffili, rydyn ni’n cynnal ymchwiliadau i ardaloedd sydd â risg uchel o lifogydd a'r rhai sydd wedi profi llifogydd sylweddol. Gan fod Rhisga yn ardal o'r fath, rydyn ni’n edrych ar y posibilrwydd o gyflwyno cynlluniau lliniaru llifogydd yma, ac yn ceisio eich barn chi ar ddigwyddiadau blaenorol o lifogydd.

Pam rydyn ni’n yn ymgynghori

Drwy’r ymgynghoriad hwn, rydyn ni’n ceisio casglu barn trigolion a rhanddeiliaid ynghylch problemau a phryderon o ran llifogydd yn ardal Rhisga. Bydd hyn yn ein helpu ni i nodi heriau ac ardaloedd allweddol sy’n profi llifogydd, a fydd yn llywio ymchwiliadau a gwaith dichonoldeb yn y dyfodol.

Ffyrdd o roi eich barn

Llenwch yr arolwg ar-lein

Mae copi o'r arolwg, a’r wybodaeth ategol, hefyd ar gael yn Llyfrgell Rhisga a Siop Goffi ‘Snug’.

Mae'r arolwg hwn ar gael yn y Gymraeg a'r Saesneg. Mae ar gael mewn ieithoedd a fformatau eraill ar gais.

Rydyn ni hefyd yn cynnal sesiwn galw heibio ar yr 11 Tachwedd ar yr amseroedd a'r lleoliadau isod:

• Llyfrgell Rhisga: 9.30am – 1pm / 2pm – 5pm
• Siop Goffi ‘Snug’, Rhisga: 5pm – 7pm

Ymholiadau

Gall unrhyw randdeiliad sydd am drafod yr ymgynghoriad hwn wneud hynny drwy gysylltu â draenio@caerffili.gov.uk neu dros y ffôn ar 01495235796 (Mr. Max Nebe) / 07701020205 (Mr. Mark Goodger)

Canlyniadau disgwyliedig

Mae eich llais yn bwysig. Bydd cael trigolion a rhanddeiliaid yn rhan o’r ymchwiliad yn ein helpu ni i ddeall eu blaenoriaethau a'u pryderon ynghylch llifogydd yn Rhisga. Bydd yr wybodaeth rydyn ni’n ei chasglu yn ein helpu ni i nodi ardaloedd allweddol a sicrhau y gall cynlluniau yn y dyfodol ganolbwyntio ymdrechion tuag at y rhai sy’n cael eu heffeithio fwyaf gan lifogydd.