Ymgynghoriad ynghylch Cynigion i Weithredu Premiymau Treth y Cyngor ar Eiddo Gwag Hirdymor ac Ail Gartrefi

Mae'r ymgynghoriad hwn yn ceisio barn ar gynnig y Cyngor i godi premiymau ar gartrefi gwag hirdymor ac ail gartrefi a lefel y premiymau i'w codi.

Mae'r ymgynghoriad yn ceisio barn ar eiddo domestig ac nid yw'n ymestyn i eiddo busnes/masnachol gwag.

Bwriad y disgresiwn sy'n cael ei roi i gynghorau godi premiwm yw ei ddefnyddio fel rhan o strategaeth ehangach i helpu cynghorau i: -

a) sicrhau bod cartrefi gwag hirdymor yn cael eu defnyddio eto i ddarparu cartrefi diogel, saff a fforddiadwy;

b) cynorthwyo cynghorau i gynyddu'r cyflenwad o dai fforddiadwy a gwella cynaliadwyedd cymunedau lleol; a

Drwy gynyddu'r taliadau Treth y Cyngor sy'n cael eu codi ar gartrefi gwag hirdymor ac ail gartrefi, y nod yw annog perchnogion tai i sicrhau bod eu heiddo gwag hirdymor yn cael eu defnyddio eto er budd y gymuned a'r economi leol.

Ffyrdd o fynegi eich barn chi

Os hoffech chi rannu eich barn, llenwch yr arolwg. Os ydych chi angen copi caled o'r holiadur, e-bostiwch TrethYCyngor@caerffili.gov.uk neu ffonio 01443 863002.

Hyd yr Ymgynghoriad Cyhoeddus

12 Ionawr 2024 i 8 Chwefror 2024.

Canlyniadau disgwyliedig

Bydd yr ymatebion i'r ymgynghoriad yn cael eu hystyried ac yn rhan o adroddiad pellach i'w gyflwyno i'r Cabinet i ystyried a phenderfynu ar lefel premiymau Treth y Cyngor y byddai'n ei hargymell i'r Cyngor llawn.