Ysgol Iau Hendre ac Ysgol Fabanod Hendre

Ysgol Iau Hendre - Heol Sant Cenydd, Caerffili CF83 2RP
Ysgol Fabanod Hendre - Heol Sant Cenydd, Caerffili CF83 2RP

Beth rydyn ni'n ei gynnig?

Mae’r cynnig yn ymwneud â chyfuno Ysgol Iau Hendre ac Ysgol Fabanod Hendre i greu un ddarpariaeth Ysgol Gynradd ar gyfer disgyblion 3 i 11 oed o fis Medi 2025.

Mae’r ddwy ysgol wedi bod yn ‘cydweithio’ yn anffurfiol ers nifer o flynyddoedd ac mae’r cais i ymgynghori ar gyfuno wedi’i wneud mewn partneriaeth â’r ddau Gorff Llywodraethu.

Cam Ymgynghori: Ar y gweill
Dyddiad cwblhau arfaethedig: Medi 2025

Pam rydyn ni'n ymgynghori?

Mae'r gofyniad i ymgynghori yn berthnasol i bob un o'n cynigion ysgolion sy’n ymwneud ag ysgolion a gynhelir (fel y'i diffinnir gan y Cod Trefniadaeth Ysgolion 2018). Mae’r broses ymgynghori yn gyfle i bobl ddysgu am y cynnig a gwneud sylwadau a fydd yn cael eu cofnodi a’u crynhoi mewn adroddiad ymgynghori a fydd yn cael ei ystyried gan ein Pwyllgor Craffu Addysg a Gwasanaethau Cymdeithasol ac a Chabinet y Cyngor.

Mae Cam 1 o'r broses wedi'i gynllunio i gasglu'ch barn a fydd yn cael ei chrynhoi yn yr Adroddiad Ymgynghori.

Er mwyn i'r rhain gael eu cynnwys, rhaid eu cyflwyno'n ysgrifenedig a'u cyflwyno o fewn dyddiadau'r cyfnod ymgynghori.

Mae cam 3 o'r broses yn darparu bod unrhyw un sy'n dymuno gwrthwynebu cynnig trefniadaeth ysgol yn cael cyfle i wneud hynny. Er mwyn cael eu hystyried yn wrthwynebiadau statudol, rhaid cyflwyno gwrthwynebiadau yn ysgrifenedig a'u hanfon at y Cyngor o fewn y cyfnod o 28 diwrnod.

Yn amodol ar gymeradwyaeth y Cabinet, dim ond ar Gam 3 y bydd Gwrthwynebiadau Ffurfiol yn ddilys, pan fydd yr Hysbysiad Statudol yn cael ei gyhoeddi a'r cyfnod Gwrthwynebu’n agor