Cludiant Rhwng y Cartref a'r Ysgol

Am beth mae'r ymgynghoriad?

Mae'r Cyngor yn cynnig newid y ffordd y mae'n darparu cludiant rhwng y cartref a'r ysgol i ddysgwyr ledled Bwrdeistref Sirol Caerffili o fis Medi 2026 ymlaen.

Ar hyn o bryd, mae'r Cyngor yn darparu lefel uchel o gludiant rhwng y cartref a'r ysgol yn ôl disgresiwn. Byddai'r newidiadau arfaethedig yn golygu bod yr holl gludiant prif ffrwd rhwng y cartref a'r ysgol sy'n cael ei ddarparu ar gyfer ysgolion cynradd ac uwchradd Saesneg, Cymraeg a Ffydd yn cydymffurfio â'r meini prawf pellter statudol perthnasol fel sydd wedi'u pennu gan Lywodraeth Cymru.

Byddai'r cynnig yn golygu parhau i ddarparu cludiant rhwng y cartref a'r ysgol yn ôl disgresiwn i ddysgwyr sy'n byw y tu hwnt i'r meini prawf pellter, sef 2 filltir ar gyfer y rhai o dan oedran ysgol statudol, ar yr amod bod seddi sbâr ar gael yn y cerbyd, a 3 milltir ar gyfer dysgwyr ôl-16.

Ni fyddai'r cynnig hwn yn effeithio ar gymhwysedd o ran cludiant ar gyfer dysgwyr sydd ag anghenion dysgu ychwanegol sy'n mynychu ysgolion arbennig, unedau cyfeirio disgyblion a dosbarthiadau cymorth dysgu.

Nod yr ymgynghoriad hwn yw ceisio barn defnyddwyr y gwasanaeth a rhanddeiliaid o ran y diwygiadau arfaethedig i'r Polisi Cludiant rhwng y Cartref a'r Ysgol.

Pam rydyn ni'n ystyried y newid hwn?

Ym mis Chwefror eleni, cymeradwyodd Cabinet y Cyngor gyfres o gynigion cyllidebol ar gyfer 2024/25, sy'n seiliedig ar setliad ariannol y Cyngor gan Lywodraeth Cymru a Llywodraeth y DU.

Amlinellodd yr adroddiad y gofyniad i arbed £45.213 miliwn ar gyfer y cyfnod dwy flynedd 2025/26 a 2026/27.

Er mwyn mynd i'r afael â'r bwlch ariannu enfawr hwn, mae rhaglen drawsnewid wedi'i sefydlu i fynd i'r afael â'r heriau ariannol sylweddol y mae'r Cyngor yn eu hwynebu.

Ar hyn o bryd, mae'r Cyngor yn darparu lefel uchel o gludiant yn ôl disgresiwn, ymhell uwchlaw'r gofynion statudol. Mae'r cynnig yn ceisio ymgynghori ar y posibilrwydd o gael gwared ar yr elfen milltiredd yn ôl disgresiwn ar gyfer darpariaeth prif ffrwd i ddod ag ef yn unol â meini prawf pellter statudol perthnasol a fyddai'n arwain at arbediad ariannol mawr i'r Awdurdod.

Ar hyn o bryd, mae Caerffili yn un o 3 awdurdod lleol yng Nghymru sy'n darparu cludiant uwchlaw'r isafswm statudol. Mae un o’r 3 awdurdod lleol sy’n weddill wedi gwneud y penderfyniad yn ddiweddar i leihau’r ddarpariaeth i leiafswm statudol o fis Medi 2026.

Beth allai hyn ei olygu i mi?

Cynnig o fis Medi 2026 ymlaen:

Yr holl gludiant prif ffrwd rhwng y cartref a'r ysgol sy'n cael ei ddarparu ar gyfer ysgolion cynradd ac uwchradd Saesneg, Cymraeg a Ffydd yn cydymffurfio â'r meini prawf pellter statudol perthnasol fel sydd wedi'u pennu gan Lywodraeth Cymru.

Byddai'r cynnig yn golygu parhau i ddarparu cludiant rhwng y cartref a'r ysgol yn ôl disgresiwn i ddysgwyr sy'n byw y tu hwnt i'r meini prawf pellter, sef 2 filltir ar gyfer y rhai o dan oedran ysgol statudol, ar yr amod bod seddi sbâr ar gael yn y cerbyd, a 3 milltir ar gyfer dysgwyr ôl-16.

Sut ydw i'n gwybod a fyddai'r newidiadau arfaethedig i gludiant rhwng y cartref a'r ysgol yn effeithio arna i?

Crynodeb o'r newidiadau arfaethedig:

Fel rhan o'r broses ymgynghori, mae'r Cyngor wedi cyhoeddi mapiau dangosol ar ei wefan yn nodi’r ardaloedd a allai gael eu heffeithio. Mae’r mapiau yma’n cael eu darparu at ddibenion gwybodaeth yn unig ac efallai nad ydyn nhw’n cynnwys pob ardal sy’n cael ei heffeithio. Bydd cymhwysedd unigol yn cael ei gadarnhau os bydd y penderfyniad yn mynd yn ei flaen a bydd rhieni'n cael gwybod yn uniongyrchol unwaith y bydd yr holl gymhwysedd wedi'i gadarnhau. Os and ydych chi’n sicr, rydyn ni’n argymell eich bod chi’n llenwi'r ymgynghoriad fel pe bai chi’n cael eich effeithio.

Mae’r lliw glas ar y map yn nodi’r ardal a allai fod yn gymwys ar gyfer Cludiant rhwng y Cartref a’r Ysgol ar hyn o bryd, ond na fyddai’n gymwys mwyach pe bai’r cynnig hwn yn cael ei symud ymlaen.

Pryd fydd cyfle i fi ddweud fy nweud?

Bydd yr ymgynghoriad yn rhedeg o ddydd Llun 16 Medi 2024 i ddydd Llun 28 Hydref 2024.

Sut alla i gymryd rhan yn yr ymgynghoriad?

Mae amrywiaeth o ffyrdd i chi ddweud eich dweud.

Gallwch chi gwblhau arolwg byr ar-lein.

Mae'r arolwg hwn hefyd ar gael fel copi caled o lyfrgelloedd ledled Bwrdeistref Sirol Caerffili. Mae ar gael yn Saesneg a hefyd mewn ieithoedd a fformatau eraill ar gais.

Sesiynau galw heibio wyneb yn wyneb:

Sesiynau galw heibio ar-lein:

I fynychu un o'r sesiynau galw heibio ar-lein, anfonwch e-bost i YmgysylltiadCyhoeddus@caerffili.gov.uk gyda'ch dyddiad dewisol. Wedyn, byddwn ni'n darparu dolen i chi fynychu'r sesiwn ar-lein.

Ymholiadau:

Mae gofyn i drigolion sydd ag unrhyw ofynion penodol, megis mynediad, dolen glyw, sydd angen cyfleusterau cyfieithu neu sy’n dymuno defnyddio’r Gymraeg yn unrhyw un o’r sesiynau galw heibio, gysylltu â’r tîm ar YmgysylltiadCyhoeddus@caerffili.gov.uk neu ffonio 01443 864213.

**Noder y bydd y sesiwn galw heibio hon yn un ddwyieithog.

Camau nesaf

Bydd canlyniadau'r ymgynghoriad yn cael eu hystyried gan y Pwyllgor Craffu Addysg cyn cael eu cyflwyno i'r Cabinet yn ystod misoedd cynnar 2025.